Шинонидани дарахтон баҳри созишоварӣ ба мамлакати куллан гуногунманзара
Дарахтон ва хоҷагиҳо – Навоварӣ ва захираҳо – Созишоварӣ
ЛОИҲАИ ДАРАХТОНИ ТОҶИКИСТОН
Табиати зебо
Фарҳанги қадимӣ
Халқи меҳмоннавоз
Зарари экологӣ
Ояндаи номуайян
Камбизоатӣ
ЛОИҲАИ ДАРАХТОНИ ТОҶИКИСТОН
Дарахтони Тоҷикистон лоиҳаи Фонди Дашт мебошад. Ҳадафи Дашт кӯмак ба мамлакат ва аҳолии Тоҷикистон мебошад. Мо барои эҳёи ҷангали Тоҷикистон ва хоҷагиҳои хурди деҳқонӣ кор мебарем. Мо барои беҳтар кардани шароити зиндагӣ дар деҳот кор мекунем ва ба тавонмандсозии занон таваҷҷӯҳи хоса медиҳем.
БАРОИ ЧӢ ТОҶИКИСТОН?
Тоҷикистон ба тағирёбии иқлим осебпазир аст. Мушкилоти асосӣ ин ярч (лағжида фуромадани кабатхои замин - оползни), ки сабабаш эрозия мебошад, дар натиҷаи зиёдшавии буридани ҷангалзорҳо ба амал омадааст. Хокҳои замин фарсуда шудаанд. Дар Тоҷикистон танҳо 3% майдони ҷангал боқӣ мондааст. Пас аз пошхӯрии Иттиҳоди Шӯравӣ, Тоҷикистон дар солҳои 90-ум бо бӯҳрони энергетикӣ дучор шуда буд. Таъмини ангишт ва барқ қатъ шуда буд ва мардум аз ноилоҷӣ ба дарахтбурӣ даст заданд, ки таъсироташ ҳоло ҳам эҳсос мешавад. Дар Тоҷикистон 40% аҳолӣ дар сатҳи камбизоатӣ зиндагӣ мекунад.
Забони расмии Тоҷикистон Тоҷикист, шеваҳои мухталифи Форсӣ ва Русӣ низ аз ҷониби бисёриҳо суханварӣ мешаванд.
Аҳолӣ: 8,91 миллион нафар
Тоҷикистон соли 1991, пас аз пошхӯрии Иттиҳоди Шӯравӣ, истиқлол гардид. Дар асари ҷанги шаҳрвандии сарзада 100.000 нафар ҷон бохтанд ва 500,000 нафар кишварро тарк карданд. Пас аз ҷанг кишвар хароб шуда буд. Аз он замон бинобар ба мушкилотҳои нави экологӣ дучор шудан, кишвар хеле суст барқарор шуда истодааст.
ЧАРО ДАРАХТОН?
Дарахтҳо эрозияро бозмедоранд ва заминҳои кишоварзиро ҳифз мекунанд. Ба Тоҷикистон ва мардуми он бо роҳи шинондани дарахтҳо ва ҳавасманд кардани сокинон ба бунёди хоҷагиҳои хурд дар замини бо дарахтони нав ҳифзшуда кӯмак кардан мумкин аст. Бо шинондани дарахтҳо мо муҳити зистро ҳифз хоҳем кард - ин ба зиндагии ҳамаи мо таъсир хоҳад дошт.
Лоиҳаи дарахтони Тоҷикистон дарахтони зуд парваришшаванда ба монанди сафедор, бед ва осмон-дарахт хоҳад шинонд. Низоми решаи дарахтони сафедор ва бед ба хок таъсири мусбӣ расонида эрозияро коҳиш медиҳад. Илова ба кам кардани эрозия, ин дарахтҳо барои: нигоҳдории карбон, муҳофизат аз шамол, коҳиши хатари обхезӣ, беҳтар кардани сифати ҳаво, зиёд кардани биогуногунӣ, эстетика ва истеҳсоли устувори чӯб фоидаоваранд.
Биниши мо
Ташкилоти “Дарахтони Тоҷикистон” барои баланд бардоштани устувории ҷаҳонӣ саҳм мегузорад.
Кам кардани ангидриди карбон дар атмосфера
Ҷалб кардани ҷамоеи маҳаллӣ
Мусоидат ба истеҳсоли маҳсулоти бехатар, солим ва устувор
Тавонмандсозии занон
Мубодилаи донишҳои хоҷагии устувор
Ҳифзи замин барои наслҳои оянда
Ҳадафи мо
Шинондани дарахтҳо барои паст кардани CO2-и атмосферӣ бо дастгирии хоҷагиҳои хурди деҳқонӣ. Мусоидат ба барқарорсозии ҷангалҳо ва парвариши дурусти дарахтон.
Ба гурӯҳҳои деҳқонон омӯзонидани усулҳо ва таҷрибаҳои кишоварзии органикӣ бо мақсади барқарор кардани вазъи экологии минтақаи лоиҳа ва ноил шудан ба устувории истеҳсоли озуқаворӣ.
Мубодилаи дониш ва таҷрибаи хуб аз дигар ташаббускорон тавассути семинарҳои муштарак.
Таъмини деҳқонон бо маводҳои омӯзишӣ ва намунаҳои амалияҳои кишоварзии органикии бехатар; ёрӣ додан ба онҳо барои баланд бардоштани сатҳи маърифатнокӣ ва малакаҳои кишоварзӣ барои ба роҳ мондани истеҳсоли устувори озуқаворӣ дар шароити кории солим ва муҳити устувор.
Мониторинг ва пайгирии деҳқонҳои омӯзонидашуда барои кафолат додани мувофиқат бо усулҳою таҷрибаҳои кишоварзии органикии омӯхташуда.
Таъмини мактабҳои деҳот бо ғизо ва таҳсилот, тавассути шинондани дарахтони мевадиҳанда ва бунёди боғҳои сабзавот барои ҳар як мактаб. Толибилмони мактабҳоро илҳом бахшидан ва ҳавасманд кардан барои фикрронӣ оид ба эконизомҳои солим ва чӣ гуна онҳо як қисми инқилоби сабз шуданашон мумкин аст.
УСТУВОРӢ ВА ИННОВАТСИЯ
Лоиҳаи мо оиди шинондани дарахтон, на танҳо CO2-и атмосфериро нисбат ба бетарафии карбон коҳиш медиҳад, балки ҳамзамон ноил шудан ба якчанд Ҳадафҳои Рушди Устуворро (ҲРУ) дастгирӣ хоҳад кард:
ҲРУ 1: Аз байн бурдани камбизоатӣ
ҲРУ 12: Истеъмолот ва истеҳсолоти бомасъулият
ҲРУ 13: Иқлим
ҲРУ 15: Ҳаёт дар замин
Стратегияҳои инноватсионӣ
Кишоварзии Тоҷикистон бо мушкилоти зерин дучор мешавад: ҳосилнокии паст; муаммои об ва талафоти офатҳои табиӣ. Парвариши пахта, низомҳои бесамари об ва ҳуқуқҳои номукаммали моликияти деҳқонон, ба истифодаи аз ҳад зиёди замин оварда мерасонад. Аз сабаби эрозия, ботлоқшавӣ, нобудшавии ҷангалҳо ва шӯршавӣ хок ба харобшавӣ дучор мешавад. Иқлими кишвар вазъи заминро боз ҳам бадтар мекунад; биёбоншавӣ тӯли даҳсолаҳо мушкилоти ҷиддӣ дорад. Иқлими Тоҷикистон дорои хусусияти тобистони тӯлонии хушк ва гарм аст.
Инноватсияи экологӣ на танҳо ба истеҳсол, балки ба истифодаи самараноки захираҳои табииро тарғиб менамояд. Стратегияҳои инноватсионӣ дорои потенсиали паст кардани сатҳи камбизоатӣ тавассути рушди деҳот мебошанд.
ОМӮЗИШИ ДЕҲҚОНОН
Дашт дар пешбурди истеҳсоли маҳсулоти озуқавории бехатар, солим ва устувор тавассути баланд бардоштани сатҳи маълумотнокии хоҷагиҳои деҳқонии хурд дар Тоҷикистон мусоидат менамояд. Деҳқонон бо маводи таълимӣ ва намунаҳои амалияи кишоварзии органикии бехатар таъмин карда шудаанд. Дашт ба онҳо кӯмак мекунад, ки истеҳсоли маҳсулоти устувор ва мӯътадилро дар шароити солими корӣ дар муҳити устувор ба роҳ монанд.
Маъракаҳои иттилоотӣ:
Мо деҳқононро аз хатари истифодаи миқдори зиёди маводҳои синтетики воридоти берунӣ огоҳ мекунем. Маводҳои синтетикӣ замини онҳоро хароб мекунанд ва ба саломатии онҳо зарар мерасонанд.
Мо гурӯҳҳои деҳқониро оиди таҷрибаҳои кишоварзии органикӣ таълим медиҳем. Ҳамин тавр, мо ҳолати кунунии минтақаро барқарор намуда, ба устувории истеҳсоли маводи озуқаворӣ ноил мешавем.
Мо деҳқононе, ки аз ҷониби мо омӯзонида шудаанд, мониторинг ва пайгирӣ менамоем. Ҳамин тавр, мо мутобиқати усулҳо ва амалияҳои омӯхташудаи кишоварзии органикиро таъмин хоҳем кард.
Дар хоҷагиҳои хурди деҳқонӣ аз сабаби муҳоҷирати мардон асосан занҳо кор мекунанд. Дар соҳаи кишоварзии Тоҷикистон 75,1% занон ва 41,8% мардон кор мекунанд. Танҳо 10% занҳои тоҷик, ки дар соҳаи кишоварзӣ машғуланд, заминдор мебошанд. Ҳамзамон, 86% занон дар деҳот ҳамчун деҳқон кор мекунанд. Мутобиқ шудан ба вазъият барои занон мушкил аст: онҳо нақшҳои анъанавии мардонро иҷро мекунанд ва ҳамзамон бояд нақшҳои анъанавии занро дар оила ва хонавода иҷро кунанд. Ин кори дукарата имконияти онҳоро ба таҳсил ва бунёди алоқа маҳдуд месозад. Ҳамин тариқ, фарқияти гендерӣ аз нигоҳи қадрдонии молиявӣ ва имкониятҳои иҷтимоӣ новобаста аз тағири нақшҳо нигоҳ дошта мешавад.
Лоиҳаҳо
Маъракаи ниҳолшинонӣ дар соли 2021
Аз сабаби пандемияи Ковид-19, мо маъракаи худро ба соли 2021 ба нақша гирифтем. Мо апрели соли 2020 танҳо тадқиқоти озмоишӣ оид ба шинондани дарахтон дар як деҳа дар деҳаи Ҷафр, ки онро ТҶ “Рӯшноӣ” идора мекард, анҷом додем.
Моҳи марти соли 2021 мо дар ҳамкорӣ бо ТҶ «Рӯшноӣ» лоиҳаи худро сар мекунем.
Мо:
дар атрофи заминҳои кишоварзӣ дар деҳаҳои Ҷафр ва Мазор 5000 дарахт мешинонем.
омӯзиши озмоишӣ мегузаронем: мо мехоҳем душвориҳоеро, ки деҳқонони деҳоти Тоҷикистон дучор меоянд, омӯзем. Мо бо деҳқонон дар алоҳидагӣ (20 мусоҳиба) сӯҳбат хоҳем кард.
асосноккунии техникӣ-иқтисодӣ омода мекунем: кадом беҳтаркуниҳои хурд метавонанд сатҳи зиндагии аҳолиро хубтар созанд, меомӯзем, масалан сохтани оташдонҳои биомассавӣ; ташкил кардани парвариши занбӯрҳои асал ва боғҳои сабзавотӣ.
ба тавонмандсозии занон дар тамоми ҷараён таваҷҷӯҳи хоса менамоем.
2021-2026 Лоиҳаи «Таъсиси боғҳои меваю сабзавот барои мактабҳо»
Мо мақсад дорем, ки бо ТҶ “Нексигол Мушовир” дар лоиҳаи калон оид ба бунёди боғҳои меваю сабзавот барои мактабҳои минтақаҳои дорои сатҳи стандартҳои пасттарбуда ҳамкорӣ кунем. Дар мактаб семинарҳо оид ба чӣ тавр бунеди боғу кишти сабзавот ташкил карда мешаванд, ки дар он занони шавқманд аз деҳа дар бораи бунеди боғу кишти сабзавот дар ҳавлии худ метавонанд маълумот гиранд.
Ҳамроҳ шавед
Барои дастгирии деҳқонони эҳтиёҷманд ҳангоми кам кардани CO2 кӯмак намоед.
Фонди Дашт дар соли 2020 дар водии Рашти Тоҷикистон 5000 дарахт мешинонад, ки дар он ҷо хоҷагиҳои хурд ба дастгирии мо бештар ниёз доранд.
Ба лоиҳаи Дарахти Тоҷикистони мо хайрия кунед
Пахш кунедДашт созмони ғайритиҷоратӣ мебошад, ҳамаи хайрияҳои шумо бевосита барои ин кор сарф мешаванд.
Тамос
Musicalkade 25
3543 CM Utrecht
The Netherlands
T +31645645289
info@dasht.nl
Бо дастаи мо дар сайти Дашт шинос шавед.
Фикри худро баен намоед!
Фонди Дашт созмони ҷамъиятӣ (ANBI) мебошад.
Дашт дар ба минтақаҳои дурдасти сайёраи мо малака ва маҳорати хочагидориро оиди биогуногунӣ меорад.